Принято заявок
2558

X Международная независимая литературная Премия «Глаголица»

Поэзия на татарском языке
Категория от 14 до 17 лет
Поэзия на татарском языке

БӘЛКИ
 Күңелемдә булган хисләремне
Каләм алып тезәм юлларга ,
Ошбу  юллар бәлки кирәк булыр әле
Мин булмаган еллар агышында …
 Бәлки иманына кайтыр берәү
Укып минем шигырь юлларын .
Аңлар берәрсе үз баласына
Туган телнең кирәк булганын….
Җиргә мәңге килмәгәнен  аңлап
Берәү белер туган кадерен ,
Күрше белән уртак телен табар,
 Дусларына бүләр телемен .
Шат булырмын , әгәр бер кешегә
Тия  алса минем ярдәмем ,
Яхшылыкка ғына ният алып
Язамын да һаман язамын …

 

Үземә киңәш
Үз- үземә үзем  киңәш бирәм
Ничек итеп  яшәү серләрен …
Онытыр өчен күңелсезлекләрне
Җиң сызганып кирәк эшләргә .
Бирешмәскә кирәк бернигә дә ,
Нык булырга кирәк һәрвакыт .
Үзеңне кулда тотып яшәү кирәк ,
Алдагы көннәргә күз атып …
Мәрхәмәтлелеккә ышану кирәк ,
Табигатьне кирәк ярату.
Әлбәттә кирәк, моңлы көйләр тыңлап
Күңел сандугачын сайрату.
Ничек яшәсәң дә үтә гомер .
Шатлыклар да булыр, кайгы да .
Эссе җәйләре дә яңгыры белән ,
Кышларында салкын кары да .
Бу кыйммәтләрне аңлый алсаң гына
Яшәп була шушы дөньяда .
 Йөрәк ярсуларына бирешмичә
Күңел күлең мөлдерәп тулса да.
Яшәү дәрте барыбер дә көчле
Манчылса да керфек яшьләргә.
Барыбыз да тырышабыз әле
 Озаграк җирдә яшәргә…

Язасым бар.
Күзләремә карап , сорамагыз,
Юктан бүген күңелем кителде …
Челпәрәмә килеп кителде шул
Юка гына бәллүр шикелле .
Табигатем әллә ничек минем
 Боегу да хәтта килешми.
Гомерләрне әле үтәсем бар ,
сынауларга артык бирешми.
Язасым бар әле,сызасым бар
Хыялларда әле йөзәсем …
 Мизгелләрдә туган уй-хисләрне
Түкми-чәчми җепкә тезәсем…

Туган авылым-Тигәнәлем.

И авылым , бөдрә талларыңда

Күңелемдә таган атынам .

Синдә үткән сабый чакларымны

Мин әле дә өзелеп сагынам …

Иң тәү  башлап аяк табаннарым

 Җир җылысын синдә  тойдылар .

Күңелемә  туган җирнең  кадерен

Кара туфрак белән уйдылар …

Телем ачкан  иң беренче сүзем

Туган телем диеп атадым .

Чишмә суларының  иң -иң сафын

Бары синдә  генә  эчтем мин .

Җилләрнең  дә  ин-иң  назлысын

Бары синдә  генә  кочтым мин .

Хезмәт тәмен ,тормыш сабакларын

Иң  тәү  башлап  синдә аңлыйм мин .

Күңелемнең  иң-иң  монлы жырларын

 Бары сиңа гына саклыйм мин .

Мин авылымнын гади улымын …

 

 Мәктәбем көтеп торган

Әбиемдә кунак булдым

Җәйге каникулымда .

 Сентябрь ае җиткәч —

Хәзер сумка кулымда .

 Сиздермичә үтеп киткән

Җәйнең ямьле көннәре .

Салкынча, җиләс һавалы

Юксындырыр төннәре .

Мәктәп безгә ишеген

Киң итеп ачып куйган .

 Озак сузылган яллардан

Күрәмсең, ул да туйган .

Чәчәк бәйләменә күмдек

 Укытучы апаны .

Сагындырган иптәшләрем

 Һәм утырган партам да …

Борыннарны кытыклатып

Буяу исләре аңкый .

Сыйныфыбыз чистарган :

Идән-түшәме балкый .

 Матур-матур гөлләр белән

Тәрәзә төпләре тулган .

Безне шулай әзерләнеп ,

Мәктәбем көтеп торган .

Сынатырга уйламыйбыз

Үзебезнең чиратта .

 «Тырышлар, акыллылар!» — дип

Сөйләрләр безнең хакта …

 

Кар бөртеге

 Кичен чыктым урамга

 Урам буйлап багана .

Багана башларында

 Ильич утлары яна .

Яктысы төшә юлга

 Карларны күмә нурга.

Төрле төсләргә кереп

Карлар яталар янып.

Мин дә йөрим сокланып

Матурлыкка таң калып.

Кар бөртегенә карап

 Бала кебек мин уйнап .

Ә ул оча биектә

 Әйләнә янган утта

 Мине дә үртәп ала

Битемә килеп куна…

 Куна да үбеп ала.

 Сулы эзләре кала.

 Икенче бөртек куна …

Куна ул керфегемә

Күземә минем карый

Шаярып үзе уйный .

Керфегемне чылата

Кар бөртеге елата..

Халилова Кадрия Ринатовна
Возраст: 17 лет
Дата рождения: 23.10.2006
Место учебы: Большетиганская ООШ
Страна: Россия
Регион: Республика Татарстан
Район: Алексеевский
Город: село Большие Тиганы