XI Международная независимая литературная Премия «Глаголица»

Бабайларның әйтемендә

Бер түгел – мең хикмәт бар.

Кайдан шулай өч-дүрт сүзгә

Бик зур мәгънә салганнар?

Эш кешене бизи, диләр —

Ничек бизәсен инде?

Эш киеме кигән кеше

Матур буламы димен.

Хезмәт төбе – хәзинә, ди,

Бабаем көлемсерәп.

Хәзинәләр җир астында

Күмелгән диеп беләм.

Йокы – ялкауның бәлеше,

Ди бабаем – хәйләкәр.

Йоклаганда бәлеш пешми!

Әйтерсең, мин бәләкәй!

Халык әйтсә – хак әйтә шул:

Кеше гүзәл эш белән.

Лаеклы яшим дисәң,

Яшьтән үк эшкә өйрән!