XI Международная независимая литературная Премия «Глаголица»

Бер җирдә юк синдәй гүзәл авыл,

Нинди бәхет синдә тууым.

Син җиремнең йөзек кашы сыман,

Чаллы Башы — туган авылым.

Җиде буын бабам кабере шунда,

Тәпи атлап киткән сукмагым.

Йөрәгемә якын булган җир ул,

Башка беркайда да булмастыр.

Туган нигез чишмә кебек изге,

Яшел чирәм – тоташ бер келәм.

Киләчәге аның якты булыр,

Матур булыр — шуны мин беләм.