Саклыйк Җир-анабызны!
(Кешелеккә әйтер сүзем)
Бу аланга ни булган?
Ник ул чүп белән тулган?
Челтерәп аккан чишмә
Тын булып туктап калган!
Чүп-чарлар калган җирдә –
Килгәннәр ял итәргә!
Уйлап тормаган беркем –
Ашыкканнар китәргә.
Битарафлыкны Җир-ана
Күтәрәлмәс иңнәрендә!
Булышыгыз, зинһар, диеп
Җирнең безгә иңрәве лә.
Табигатьне, зинһар, саклыйк!
Җавапсызлардан нык яклыйк!
Өйрәтик без яшь буынны
Хөрмәтләргә Җир-ананы!
Ял иттеңме табигатьтә,
Чүбеңне җый син, әлбәттә.
Шул чагында Кояш көләр,
Чишмә челтерәп җавап бирер!
Кошлар матур итеп сайрар,
Шул көй-моңнарга күмелеп,
Җир-анабыз рәхмәт укыр
Кешеләргә – нык сөенеп!
