XI Международная независимая литературная Премия «Глаголица»

Бөтерелеп, буран уйный бүген

Кыш үзенчә итә тантана.

Әйтерсең лә ак күңеле белән,

Мул карлары белән мактана.

Салкыннары — шаярулар гына,

Өйгән карлар — кышкы юмартлык.

Кышта булган аклык тынычлыгы

Күңелләрне тора юатып.

Җир ял итә кышта, актан киеп,

Җаннар да сафлана шикелле.

Тик кояшы хисләр салкынлыгын

Җылытуы гына икеле.