XI Международная независимая литературная Премия «Глаголица»

Башымда такыя,

Чәчемдә күбәләк

Йөрәгем каршына

Җил белән бергәләп,

Егылам кояшның

Нурына уралып

Чәчәкләр эчендә

Югалып-югалып,

Ә кояш үзе үк

Нур суза кулыма.

Мин торам ябышып

Мәхәббәт нурына

Син минем кебек үк

Ашкынып киләсең

Мин дип, чәчәкнең

Гадиен өзәсең.

Очрашкан урында

Гөл генә, нур гына

Син-йомшак җәйге җил 

Шау- шулы юлымда.

Бу назлы җылы җил

Иркәли чәчемнән

Башымда- такыя

Күбәләк чәчемдә,

Бәхетнең түбәсе

Шушымы әйт әле?

Урамда пар каен

Гашыйклар һәйкәле!