XII Международная независимая литературная Премия «Глаголица»

Яхшы сабак

Тәмле алма ашыйм дип,

Чыктым әле бакчага.

Җиргә үзе коела,

Аласы юк акчага.

Иртән урамга чыккач,

Әни мине кисәтте:

— Бабаң кортлар аера, —

Диеп җиде кат әйтте.

Тыңламадым шул сүзен,

Башыма төште бәла.

Бал кортлары куалар:

“Кач тизрәк, кире бала”.

Башка алай итмәм дип,

Торам әнигә посып.

Яхшы сабак алдың, — дип,

Бабай куйды күз кысып.