X Международная независимая литературная Премия «Глаголица»

Укытучым,синең сүзләреңне

Юлларымда маяк итәрмен…

Канатланып киләм мәктәбемә,

Анда дуслар, анда балачак…

Балачаклы мәктәбемдә мине

Укытучым каршы алачак.

Нәни күңелемә илһам биреп,

Укытучым көтә елмаеп.

Нурлы йөзе, изге сүзе белән,

Озатып кала безне моңаеп.

Белем чишмәсеннән сулар сибеп,

Үстерүче гыйлем әнкәсе!

Сабырлыгың, гаделлегең өчен,

Килә мең кат рәхмәт әйтәсе…

Әй мәктәбем,серле белем иле,

Укытучым, шаян балачак.

Әлифбалы, тәүге укытучым,

Мәңге күңелемдә калачак!