XI Международная независимая литературная Премия «Глаголица»

Тукай абый шигырьләрен

Бик яратып укыйм мин.

Шундый кызык, мавыктыргыч

Укып һич тә туймыйм мин.

Тәрбияви шигырьләре

Сөендерәләр безне.

Уйландыра, моңландыра,

Сокландыра һәммәбезне.

Буласы килә минем дә

Былтыр шикелле зирәк.

Сарык белән Кәҗәнең

Тапкырлыгы да кирәк.

Урманда Шүрәле күрсәм,

Һич тә алдатмам инде.

Су анасы тарагына

Бер дә кызыкмам инде.

Бу шигырьләрне укырга

Сезгә дә киңәш итәм.

Тел байлыгын өйрәнгәндә

Тукайны иптәш итәм.