XII Международная независимая литературная Премия «Глаголица»

Туган як, туган туфрак

Якын, кадерле сүзләр.

Минем бу фикерем белән

Килешер бар кешеләр.

Авылның бай туфрагында

Үсә ямь-яшел чирәи.

Җәй көнендә шул чирәмдә

Туйганчы уйнап керәм.

Урманнар туфрагында

Үсә төрле гөмбәләр. 

Кеше дә җыя аны,

Алып китә керпеләр.

Биек тау битләрендә

Пешә кып-кызыл җиләк.

Мин дә җыям аларны

Бик тырышып, бик теләп.

Туган як туфрагында үсә

Күп төрле сый-нигъмәтләр.

Шуның өчен Җир анага

Күрсәтик зур хөрмәтләр.

Менә шундый уңдырышлы

Туган ягым туфрагы.

Рәнҗетмичә, кадерен белеп

Сакларга кирәк аны.

Җире байның — иле бай бит,

Яшибез без бик рәхәт.

Уңдырышлы туфрак өчен

Ходаемга мең рәхмәт.