XI Международная независимая литературная Премия «Глаголица»

Туган телем – татар теле,

Мин сине бик яратам.

Өйрәнгән шигырьләремне

Бар дөньяга таратам.

Туган телем – татар теле,

Күңелгә керә тулып.

Җырланган бөтен җырларым

Агыладыр моң булып.

Туган телем – татар теле,

Газиздән газиз телем.

Синең аша мин тырышып

Тупладым бик күп белем.

Туган телем – татар теле,

Тукай, Такташлар теле.

Туган илем дә искиткеч:

Гөлләр, былбыллар иле.

Туган телем – татар теле,

Сөйләшәм горурланып.

Башка милләтләр көнләшеп,

Соклансыннар таң калып!