Туган телем, әнкәм кебек якын,
Әткәм кебек горур булганга,
Мин яратам сине һәм шатланам
Татар булып җиргә туганга.
Күп гасырлар аша югалмыйча,
Миллэт итеп саклый туган тел.
Буыннардан буыннарга кучсен,
Өйрән татар телен, кадерен бел!
Каным гына тугел, җаным белән
Татар булып яшим илемдә.
Үсеп җитеп, кая барсам да мин
Татарстан булыр исемдә.
Татар телем, синең аша беләм
Бу тормышта яшәү рәхәтен.
Илен сөйгән, телен югалтмаган
Туган җирдә табар бәхетен!