Принято заявок
2212

IX Международная независимая литературная Премия «Глаголица»

Поэзия на татарском языке
Категория от 10 до 13 лет
Туган тел.

«Туган тел «

Туган телем минем өчен,

Бик газиз һәм бик якын.

Аны хөрмәтләсәң генә

Аңлыйсың Ватан хакын.

Туган тел — иң зур байлык ул,

Әби-бабайдан калган.

Алар телгә мәхәббәтне

Күңелебезгә салган.

«Бәхет»

Бәхет нәрсә ул, дусларым,

Кайсыгыз әйтә ала.

Бу сорауны ишеткәннәр

Башта уйланып кала.

Бәхет ул — кояш балкышы,

Бәхет ул — яз каршылау.

Бәхет ул ап-ак карлар,

Бәхет язгы ташулар.

Әти-әни саулыгы,

Туганнар сөенече.

Шатлансалар чын күңелдән

Дусларың синең өчен.

Бәхет ул яшәү дөньяда

Кирәкле кеше булып.

Шатлык тулы җырлар белән

Күңелләр торса тулып.

«Әнием»

Әниемнең исеме

Зөбәржәт була минем.

Ул дөньяда бер генә

Газиз, кадерлем минем.

Иртүк күзләрне ачуга,

Килә аны күрәсе,

Әнием, бәгырем, сине

Бик яратам диясе.

Әни безне назлаучы,

Кадерләүче, аңлаучы.

Җирдә тик бәхетле булыр

Әни сүзен тыңлаучы.

Магзумова Ясмина Руслановна
Возраст: 11 лет
Дата рождения: 01.12.2010
Место учебы: Многопрофильная гимназия Заман N189
Страна: Россия
Регион: Татарстан
Район: Казань
Город: Казань