XI Международная независимая литературная Премия «Глаголица»

Күпмилләтле илдә яшим

Туган телем – татар теле.

Аралашам шушы телдә

Туган җирем – татар иле.

Хисләремне, җырларымны

Белдерәм мин туган телдә.

Горурланып әйтә алам

Татар булып яшим җирдә.

Һәрбер милләт кешеләре

Хөрмәт итә бит үз телен.

Минем өчен иң кадерле

Туган телем – татар телем.

Үз телемдә әни диям,

Әти диям үз телемдә.

Туган телгә мәхәббәтне

Саклап йөртәм күңелемдә.

Татар телен кыссалар да,

Кирәк түгел дигән булып.

Каршылыкларга бирешмәс,

Мәңге барыр ул юл ярып.