Бәләкәй дип карамагыз,
Инде олы кеше мин.
Табигатьне саклауга да
Кертәм үз өлешемне.
Сыерчык оясы ясау –
Булды беренче эшем,
Тагын агач утыртырмын-
Булыр икенче эшем.
Агачымның тирәсенә
Утыртырмын чәчәкләр.
Бал кортлары,күбәләкләр
Шатланып киләчәкләр.
Һәр баланың булса әгәр
Үз агачы,үз кошы,
Һәм тагын үз чәчәге –
Якты булыр,матур булыр
Җиремнең киләчәге.
Әле тагын мин зурларның
Җиребезне – суыбызны
Чүпләгәннәрен беләм.
Үзем андый начар эшне
Эшләмәскә сүз бирәм!