XII Международная независимая литературная Премия «Глаголица»

Таң ата…
Яшел-яшел чирәмдә
Көмеш-көмеш чык кала.
Минем тәүге төшемдә
Синнән моңсу эз кала.

Таң ата…
Ефәк-ефәк чәчеңне
Назлы җилләр тарата.
Минем күңел шул вакытта
Күккә очып — Җиргә кайта.

Таң ата…
Бер мизгеллек очрашу
Ахырына якынлаша — 
Эреп юкка чыгасың.
Зиһенемдә кала синнән
Бары татлы карашың.

Таң атты…
Йөрәгем дә
                 бу таңда
                                чәчәк атты…