X Международная независимая литературная Премия «Глаголица»

Җитте ямьле җәй,

Болында пеште җиләк.

Әни белән икебез

Аны җыйдык бер чиләк.

Тәмле җиләк, кып-кызыл,

Ашап туйгысыз менә!..

Чиләккә эләгә алмыйча,

Авызга кереп китә.

Әни бармагын яный:

“Тагын җыйыйк бер чиләк,

Әбиең белән бабаңа

Кирәк бит тәмле җиләк!”

Кирәген кирәк, аңлыйм,

Ләкин тыела алмыйм.

Нигә инде бу кадәрле

Тәмле икән соң җиләк?