Принято заявок
2212

IX Международная независимая литературная Премия «Глаголица»

Поэзия на татарском языке
Категория от 10 до 13 лет
Шигырьләрем

Бәхет нәрсәдә икән?

Бәхет нәрсәдә икән? – дип,

Куйсагыз миннән сорап,

Җавап итеп кайтарырмын

Сезгә бер яхшы җавап.

Бәхет – ул туган илеңдә,

Туган йортыңда яшәү.

“Әти!” диеп, “Әни!” диеп

Туган телеңдә дәшү.

Туган җирдән аерылмасак,

Сөйләшсәк туган телдә,

Туганнар бергә булсак –

Менә бәхет ул нидә!

Төнбоеклар ник боеккан

Түгәрәк күл уртасында

Төнбоеклар боеккан.

“Ник боекканнар соң?” дип,

Һәркем дә башын ваткан.

Төнбоеклар боеккан,

Суларга карап баккан.

Бала-чагалар килеп,

Яр буенда чабышкан.

Тирә-юньне пычраткан,

Куакларны сындырган.

Төнбоеклы бу күлгә

Ни генә ыргытмаган.

Боларның барысын

Төнбоек карап торган.

Кеше кыланмышыннан

Шулай боегып калган.

Сугыш

Дәһшәтле сугыш еллары

Булган безнең якларда.

Ир-егетләр барчасы да

Киткән илен сакларга.

Күпме яшь һәм кан түгелгән

Шушы авыр сугышта.

Күпме ана, балалар

Калган ятим дә, тол да.

Жиңәрбез дә кайтырбыз,- дип,

Ант иткәннәр солдатлар.

Күпме югалту, сагыш

Күргән газиз башкайлар.

Дурт ел дәвам иткән алыш,

Бер кирәкмәгән сугыш.

Һәммәбез дә беләбез:

Авыр булган бу орыш.

Сугыш авыр булса да,

Жиңгән безнең бабайлар.

Үзләренең бурычын

Үтәгәннәр солдатлар,

Бик азы гына кайткан

Кабат туган якларга.

Истә тотыйк аларның

Исәнен, вафатын да.

Төштә

Бүген иртән соң уяндым,

Бик тиз генә юындым.

Китапларны алдым да

Мәктәпкә юлны тоттым.

Мәктәптә инде күптән,

Бер дәрес үткән икән.

Укытучы сорап куйды:

«Ник соңга калдың иртән?»

Ни сөйләргә белмәдем мин,

Ни әйтергә уйладым.

Парк аша үткәндә,

Бер әбине очраттым.

Аңа ярдәм кулы сузып,

Өенә бит озаттым!

Ахыр чиктә укытучы,

Сизеп алды ялганны.

Шулчак әни тавышыннан,

Уянып киттем иртән.

Бар да төштә булган дип,

Уйлап куйдым мәктәптә.

Күп милләтле республикам

Республикам минем — күп милләтле,

Яши анда бик күп халыклар.

Татар, башкорт, рус, чувашлар —

Бар да бердәм, дус һәм татулар.

Яшибез без туган җиребездә,

Бар халыклар белән берләшеп.

Дуслык күперләрен югалтмыйча,

Киләчәккә атлыйк берләшеп.

Үз телебез-татар теле белән,

Сөйләшик без туган илебездә.

Барлык милләт халыклары белән

Дус яшик без Туган җиребездә.

Илең турында уйла син

Илең турында уйла, син,

Йөрмә аны белмичә!

Ата-бабаң тырышлыгын,

Йөрмә кадерләмичә!

Илең турында уйла, син,

Киләчәктә ни булыр?!

Илен кадерләмәгән

Бу дөняда хур булыр.

Илең турында уйла, син,

Һәрчак искә төшереп.

Көлә-көлә, елый-елый,

Үткән гомерләреңне.

Туган илем — иркә гөлем,

Синдә генә мин бәхетле!

Кая гына китсәм дә,

Син — минем бер өлешем.

Газиз ана телем

Туган телем, газиз ана телем —

Тукай, Мусалар теле.

Яшәр өчен кирәк миңа

Бай мираслы газиз телем.

Туган телдә әни дигәнмен,

Әти диеп сөйгәнмен.

Туган илдә, туган җирдә

Горурланып яшимен.

Иң газиз тел — туган телем,

Бөек син, татар телем.

Алтын-мәрҗәннәр кебек

Асыл син, туган телем.

Закирова Эльвина Ильясовна
Возраст: 13 лет
Дата рождения: 15.12.2008
Место учебы: МБОУ "Поисевская СОШ"
Страна: Россия
Регион: Татарстан
Район: Актанышский муниципальный район
Город: Актаныш