X Международная независимая литературная Премия «Глаголица»

Озын юллар үтеп, арып, талып

Кошлар кайта туган якларга.

Оя корып бала үстерергә,

Туган җирне ямьләп сайрарга.

Түзә алар, бирешмичә түзә

Канатлары арып талса да.

Ашкыналар туган-үскән җиргә,

Сагынулары көчле булганга.

Ямьле җәйдә куанышып очкан

Тугайлары көтә, кырлары.

Очар кошлар кайта туган җиргә,

Каршы алыйк җырчы дусларны.