XI Международная независимая литературная Премия «Глаголица»

Поэзия на татарском языке
Категория от 14 до 17 лет
Сүз бәһәсе.

Күңелдәге хисне ачар өчен ,

Явызлыкка каршы басар өчен –

                               Сүз кирәк.

Ямьсез сүзләр әйтмә берәүгә дә,

Әрнемәсен гаепсезгә җаннар –

                               Түз йөрәк!

 

Әйтелгән сүз уктай атыла да,

Йөрәккә ул яман кагыла ла –

                                Әйтмә түз!

Кайтарырга инде теләсәң дә,

Меңнәр белән түләсәң дә, кайтмас –

                                 Яман сүз.

 

Җаннарыңа дәва табыйм дисәң,

Әгәр сүзнең бәһаләрен белсәң –

                                   Син уйлан!

Күңел эрер, шытар өмет-бөре –

Изге гамәлеңне меңнәр хуплар,

                                    Бар җиһан!

 

Яхшы фикер калсын синең хакта,

Изге кыйблаң барлап кыю атла,

                                    Бул кеше!

Шатлык тарат – сүзең белән юат,

Кешеләрдә якты өмет уят,

                                    И кешем!

 

Яңгырар сүз,телдән-телгә күчәр,

Бәлки,матур бер җыр булыптыр,

Тик онытма: синдә чакта гына,

Син хуҗасы аның,белеп тор!

 

 

Ахмадеева Камиля Марселевна
Страна: Россия
Город: Казань