XIII Международная независимая литературная Премия «Глаголица»

Лиана Гильманова

Тормышның да яме бар!

Бу тормышның яме юк дисезме?

Тормыш яме – алан исендә!

Җир җиләге җыйган болыннарда,

Офыкларның  кызгылт төсендә!

Бу гомернең яме юк дисезме?

Аның яме – алтын көзләрдә!

Торналарның очкан мәлләрендә,

Күз яшьләре тулган йөзләрдә!

Яшәү яме – китек күңел дисез,

Яшәү яме – салкын кышларда!

Ыңгырашып, улап-елап йөргән

Бөтерелеп очкан карларда!

Яшәү яме – яфрак ярган язда,

Үсеп киткән чакта тал-тирәк!

Тормыш ямен күрер өчен бары –

Кешеләргә иман гына кирәк!