XI Международная независимая литературная Премия «Глаголица»

Әни сүзе

Тирән мәгънә салып әйтелгәнгә,

Аңга барып җитә әни сүзе.

Туры юлны күрсәтүче маяк

Булып тора алда әни сүзе.

 “Миһербанлы, шәфкатьле бул,” – диеп

Яхшылыкка өнди әни сүзе.

Борчуларны оныттыра бара

Сөю – назга тулы әни сүзе.

Бәрәкәтле тормыш, бәхет тели,

Яманнардан яклый әни сүзе.

Фәрештәдәй иңнәремә кунып

Саклаучым ул минем – әнием үзе!

Халимов Ильяс Идеал улы