XI Международная независимая литературная Премия «Глаголица»

Поэзия на татарском языке
Категория от 10 до 13 лет
Минем гаиләм

Минем гаиләм

Мин гаиләмне яратам,
Гел кояшка охшатам
Әти, әни, мин, энем!
Бәхетледер һәр көнем.
Без һәр эштә гел бергә,
Дус һәм тату бар җирдә.
Мин әнигә булышам,
Савыт-саба юышам.
Ярдәм итәм әтигә,
Әкият сөйлим энемә.
Кар яуса, карлар керим,
Сукмаклар салып йөрим,
Юл булсын һәммәсенә!
Энем бер көнләшсен лә!
Ул бәләкәй шул әле –
Эшләргә юктыр хәле…
Мәктәптә белем алам,
Кайчак “бишле”ләр алам,
Тырышам инде югыйсә,
Әгәр дә җаем килсә.
Кайвакыт әни белән
Камыр-комыр пешерәм.
Нишлим соң, дустым?! Димәк,
Миңа сеңелкәш кирәк.
Ә энем гаҗәпләнә,
Еш кына кәҗәләнә:
“Кирәкми бернинди дә кыз —
Мин үзем өйдә йолдыз!”
Бөтен тәм-том аңарга,
Рәхәт аңа чабарга…
Ул бәләкәй, кечкенә,
Имеш, тәмле төш кенә…
Тик шулай да энемне,
Әти, әни, үземне —
Мин гаиләмне яратам…
Зур кояшка охшатам!

Замалиева Рамиля Рамилевна
Страна: Россия
Город: Давликеево