X Международная независимая литературная Премия «Глаголица»

Күңелемә бигрәк якын

Мин укыган мәктәбем,

Киң итеп ача һәркөнне

Безгә белем ишеген.

Математик мәсьәләләр,

Географик киңлекләр,

Физиканың законнары

Антонимлар, иҗекләр.

Химиядә тәҗрибәләр

Тарихи истәлекләр…

Санап бетерерлекме соң

Без аласы белемнәр?

Сыйныфташлар шау- гөр килеп

Көн саен күрешәбез.

Аралашып шаярабыз

Яңалык бүлешәбез.

Белем алырга булыша

Укытучы, остазлар.

Кай чак- кырыс, кайчан- сабыр

Һәрчак гадел булалар.

Олы тормышка китәрбез

Күңелгә салып барын.

Озата барыр юлларда

Мәктәп, кыңгырау чыңы.