XIII Международная независимая литературная Премия «Глаголица»

Авыл урамының тыныч киче.

Кар шыгырдый аяк астында.

Сихри җыр тавышын тыңлап торам,

Айлы сукмакларга бастым да.

Сорау бирдем: көйче кем соң?- дидем.

Компазитор-Бөек Җил, диләр,

Ә шагыйрьләр- ак кар бөртекләре-

Шигырь яз- яза бииләр.

Отып алыр аны таңда кошлар.

Өр-яңа җыр туар җиһанга.

Күпме серне, күпме могҗизаны

Үз куенына алган Җир-Ана.

***

Уйларымны җыеп бер йомгакка

Сукмак буйлап алга атладым.

Кешеләргә ишеттерер өчен,

Кышкы җырны мин дә ятладым.