X Международная независимая литературная Премия «Глаголица»

Әкият язам

Кулга каләм, кәгазьләр алдым,

Азрак кына язу язарга.

Сезгә бүген әкият язам,

Еллар үткәч укып карарга.

Әкиятләр бит тылсым булып,

Килеп җиткән безнең заманга.

Хәзер аларны яратабыз,

Мультфильмнар иттереп карарга.

Оныкларын җыеп әбием,

Матур итеп әкият сөйли

Балалар бергә утырганнар,

Җырларын әкрен генә көйли.

Сөйли әбием, тыңлагыз, ди,

Берсе артыннан берсен таба.

Һич онытмый үзе, әйтерсең

Әкиятне бит ул үзе яза.