XI Международная независимая литературная Премия «Глаголица»

Яшисем килми синсез,

Кояшым сүнә, бетә,

Соңгы өметемне җуям —

Бәхетсез итмә, китмә.

Ә мин көтәм мөмкин булса,

Рәхимсез булма, язмыш,

Җан җылымнан мәхрүм итмә,

Үтенәм синнән ялгыш.

Юлымдагы якты маяк –

Балкыр йолдыз күгемдә,

Син дә сүнсәң, юкка чыксаң,

Калам бер таянычсыз.

Кышларда бит мин өшермен,

Таба алырмынмы соң көч?

Синсез мин бербөтен түгел —

Ә яралы канатсыз кош.

***

Еллар үтә. Яраларны

Дәвалый диләр вакыт.

Китсә иде сагышларым

Киң дәрья булып агып.

Беренче кар кебек кыска

Булмас микән бу сөю?

Онытылды дигән хискә

Яңа баштан юл салу.