XI Международная независимая литературная Премия «Глаголица»

                                                                     Китап-белем чишмәсе.

    Әтием китап укый

    Булган саен вакыты.

    Укыганы бар аның

    Меңнән артык китапны.

    Нинди китап булмасын

    Ярата ул укырга.

   Әйтерсең әзерләнә

   Булачак имтиханга.

   -Әти, ничек өлгерәсең,

   -Ничек армыйсың укып?

    Җавап бирә әти миңа:

    -Булмый китаптан туеп.

     Син дә кызым, тырыш, укы

     Китап-белем чишмәсе.

     Сорауларга җавапларны

     Әнә шуннан беләсе.

     Тотам әтинең киңәшен,

     Күп укыйм китапларны.

     Китап укып, белем туплап

     Үткәрәм буш вакытны.