XI Международная независимая литературная Премия «Глаголица»

Проза на татарском языке
Категория от 10 до 13 лет
Кем матуррак?

Кем матуррак?

Борын-борын заманда яшәгән, ди, Дөнья Матурлыгы. Аның дүрт гүзәл кызы булган, ди. Беренчесенең исеме — Кыш, икенчесенең — Яз, өченчесенең — Җәй, ә иң кечесенең исеме Көз булган. Дүрт гүзәл кыз әниләре янына барганнар. Әниләре аларның һәрберсенә эш кушкан.

— Кыш, карлы мендәрне буран чыкканчы туздыр. Яз, син барлык кошларны чакыр. Җәй, салават күперен чакыр, ә син, Көз, яфракларны сары, яшел һәм кызыл төсләргә буя.

Кызлар кемнең эше файдалырак булуы турында бәхәсләшә башлаганнар. Иртән Дөнья Матурлыгы кызларын үзе янына чакырган.

— Хәерле иртә, кызларым. Эшләрегез уңдымы? – дип сораган ул. Кызлар эшләрен күрсәтә башлаган: күктән кар яуган, агачлардан сары, яшел, кызыл төстәге яфраклар коелган, кошлар сайрап җибәргән, ә салават күпере, җиңел генә очып килеп, җиде төсле сөлге җәеп куйган.

Болар барысы да Дөнья Матурлыгы һәм аның кызларына гына түгел, безнең һәммәбезгә дә зур бүләк булган.

Бикмуллина Миляуша Фаридовна
Страна: Россия
Город: Альметьевск