XI Международная независимая литературная Премия «Глаголица»

Поэзия на татарском языке
Категория от 14 до 17 лет
«Исхакыйны эзләп барышым»

Исхакыйны эзләп барышым

Чистай-кала чал тарихның үзе:

Истәлекле, затлы урыннар…

Үлемсез җыр булып, Чулман ага,-

Сагыш, сыкрау аның җырында.

Дәвер капкалары аша үтеп,

Тере саклап заман сулышын,

Йоклый Исхакыйның эзләре дә-

Уятырга ашыгып барышым.

Карт тирәкләр тузан элпәсендә,

Кычытканнар баскан эргәне…

Исхакыйны эзләп килдем бүген,

Онытмаска куша йөрәгем.

Дан-шөһрәткә күмде туган ягын,

Газиз туфрак, Чулман буйларын.

Яуширмәнең исемен яңгыратты-

Хәтерлиме алар Улларын!?

Соры еллар кайтавазы булып,

Тонык кына килә тавышы:

Яшь буынга чакыру, үпкә дә бар,

Сагыну да бар, әрнү сагышы.

Музеенда ямансулап калган

Истәлекләр һаман да тере:

Кулдан язган хатлар, китаплары

Саклый төсле шомлы бер серне.

Вакыт җиле сары буяу сипкән

Аклы-кара сурәт йөзенә.

Сынап карый сыман авыр караш,

Бирә сорау, төбәп үземә:

“Милләтеңне, туган телең яклап,

Әйтә алырсыңмы үз сүзең?

Татар исемен танытырга җирдә,

Кертерсеңме өлеш син үзең?”

Соравына җавап итеп әйттем:

“Туган телем- минем йөрәктә.

Халкым бәхете өчен көч куярмын,

Булган чакта егәр беләктә!”

Исхакыйны биргән халык хаклы

Бу дөньяда хакын дауларга!

Туган илем, телем  берәү генә-

Икенчесе булмас сайларга!

Хайруллина Алина Рамилевна
Страна: Россия
Город: Село Татарское Адельшино