XI Международная независимая литературная Премия «Глаголица»

Төрле милләт халкы яши

Минем туган илемдә,

Киемнәре, холкы, теле –

Барсы да монда үзгә.

Йөз белән аерылса да,

Күңеле бит киң аның.

Теле гел башка булса да,

Эчкерсез җаны аның.

Аш-суга бик оста алар,

Телең йотарлык кайчак!

Бар йөрәген бер казанга

Салып пешергән казах.

Башкортларның җыр-моңнары

Татар моңына охшаш.

Ут күршебез дип йөртәбез,

Тарихыбыз бертоташ.

Дуслык белән көчле бит без!

Көнләшәдер чит-ятлар.

Бердәм булып, ярдәмләшеп,

Дуслар үрләргә атлар!