XI Международная независимая литературная Премия «Глаголица»

     Чана шуганда

Ап-ак карның өсләреннән,

Балалар чана шуа.

Рәсим дә чыкты урамга

Аның күңеле шунда.

  Менә Рәсим тауга менә

  Чанасын өстерәгән.

  Үзе менә, үзе көлә

  Ә үзе әлсерәгән.

Авырмы әллә чанаң, дисәң

 Бер дә авыр түгел, ди.

 Төшәсе бик җиңел дә

 Менәсе бик авыр, ди.

    Үсеп җиткәч мин чананы

     Алтын төскә буярмын.

     Тауга үзе менсен өчен

     Аңа матор куярмын.