XII Международная независимая литературная Премия «Глаголица»

Мин Татарстанда тудым

Һәм Татарстанда яшим.

Әти-әни, әби-бабама

Татар телендә дәшәм!

Дәү бабамнар көрәшеп

Тынычлык бүләк иткән.

Татарстан шуннан соң

Бик күтәрелеп киткән!

Без бөтен яктан да бай:

Нефть чыга – кара май.

Үзебездә газы да,

Урманы да, суы да.

Әбием гел әйтә миңа:

“Тик илләр тыныч булсын!

Туган телгә өйрәтүче

Мәктәпләр эшләп торсын! “

Бик рәхәт үз телемдә

Әнием дип әйтүе.

Әтием белән бергә

Авылыма кайтуы.

“Туган тел”не җырлыйбыз,

Туган телдә укыйбыз.

Ямьле Татарстанда

Бик бәхетле яшибез!