IX Международная независимая литературная Премия «Глаголица»

Әбиемнең тәрәзендә

Үсә яран гөлләре.

Юк чәчкәләр арасында

Нинди генә төрләре.

Бу гөлләр безнең шәһәрдә

Болай ук булмас иде.

Фатирны бизәп, матурлап,

Ут янып тормас иде.

Гөл авыл кояшы белән

Иртә таңнан уяна.

Таң нурында коена да,

Көн төсенә буяна.

Әби, дога укый-укый,

Гөлләренә су сибә.

Ил тыныч, күк аяз булсын,

диеп йөрәге тибә.

Бисмиллалы һәм әбиле

Йортыбыз балкып тора.

Кайткан саен тәрәземдә

Яран чәчкәдә була.