XII Международная независимая литературная Премия «Глаголица»

Бар дөнья җанлана:

Күбәләкләр күктә оча,

Җылы нурлар бар җиһанны

Яраталар сөя-коча.

Бар дөнья җанлана:

Карлар эреп кача.

Кояш таңның пәрдәсен дә

Башкачарак ача.

Бар дөнья җанлана:

Үләннәр сөйләшә,

Дәртле бер көй белән

Бөреләр эндәшә.

Бар дөнья җанлана:

Көлеп кайтам мин дә,

Әйтерсең лә әтием кулы

Яткан минем иңгә.