X Международная независимая литературная Премия «Глаголица»

Ике бабам яшьлекләрен биргән

Көчен куйган Бөек Җиңүгә.

Безнең өчен алар-чын горурлык,

Тарих алар, татар иленә!

Камил бабам кайткан җиде елдан,

Җиңү арты – төзеп яңаны.

Гомер буе онытмады бабам,

Сугыш уты салган яраны.

Галим бабам кайта алмаган шул,

Ул югалган читтә хәбәрсез.

Аның исемен йөртә безнең нәсел

Аңа һәйкәл-безнең гаиләбез.

Кирәк түгел безгә бу сугышлар,

Тыныч булсын – һәрбер ана җаны.

Тулы булсын, бәхет бөркеп торсын,

Шатлык белән атсын гаилә таңы!