XI Международная независимая литературная Премия «Глаголица»

Сабантуй бик матур бәйрәм — Ел да көтеп алабыз.

Барлык уенга катнашып,

Сөенеп кул чабабыз.

Берәү җырлый, берәү бии,

Кемдер гармун уйната.

Яшь егетләр көрәшәләр,

Берәүләр чүлмәк вата.

Без бит авыл балалары Атларны яратабыз.

Алар килә очып-очып,

Аларга җан атабыз.

Безнең Сабантуй урыны

Бик тә матур урында.

Ул күлләре, чишмәләре!

Кошлар сайрый болында.

Бәхет-шатлык алып килсен,

Һәр ел Сабантуйларны!

Тынычлыгыбызны саклый,

Илнең батыр уллары.