XI Международная независимая литературная Премия «Глаголица»

Поэзия на татарском языке
Категория от 14 до 17 лет
Җан авазы

         Җан авазы

Китап киштәләрен тузан баскан,

Моңсуланып ята китаплар…

Теле булса, алар әйтер сымак:

“Безләрдә бит гыйлем нуры бар!

Эзләгез сез бездән серле сүзләр,

Энҗе-мәрҗәннәрне чүпләгез!

Ялгызлыкта безне тилмертмәгез,

Болай дәвам итсә, түзмәбез!”

Китапларны сыйпап, кулга алдым:

Тукай, Әмирханнар язмасы.

Нигә икән шушы хәзинәне

Оныта бара адәм баласы!?

Муса сыкрауларын ишеттем күк

Моабиттан кайткан җыр аша.

Такташ язган каен урманнарын

Кичеп чыктым адаша-адаша.

Туфанның да йөрәген бәйләргә дип,

Кулларымны уып җылыттым.

Соңардым шул бераз юатырга

Дулкын чәчле мишәр агасын…

Соңардым шул бераз, соңардым шул,

Басып алды айфон дөньясын!

Айфоннардан кадерлерәк китап –

Барлык кеше шуны аңласын!

Шул минутта серле сихри тавыш

Сискәндереп мине җибәрде;

Әйтерсең лә, китап киштәләрен

Дер селкетеп, туфан күтәрде:

“Онытмагыз безне, кадерләгез,

Сезгә мирас итеп калдырдык:

Саклагыз сез телне һәм милләтне,

Бездән киләчәккә тапшырып!”

…Тукай, Җәлил, Туфан китаплары –

Җылысын мин тоям кулымда.

Киләчәккә мирас булып күчсен –

Җаваплылык безнең буында!

 

 

 

Сафиуллин Данияр Идеалович
Страна: Россия
Город: село Татарское Адельшино