XI Международная независимая литературная Премия «Глаголица»

Бер могҗиза булып, берәр вакыт

Әгәр Тукай белән очрашсак,

Аңлармы икән безнең телебезне,

Ярым русча аңа сүз катсак.

Инглизчәне бераз  кыстыргалап:

“Хеллоу, Тукай!” – диеп эндәшсәк,

“О кей”ларны уңга-сулга чәчеп,

 Планшетлардан хатлар җибәрсәк.

Тукай мескен,өнсез калыр иде,

Заман балалары сүз катса.

Туган теле чуарланып беткән,

Һәр җөмләне чит-ят сүз баскан.

Телебезгә игътибарлы булыйк,

Бөек Тукай рухын рәнҗетмик!

Үз телебез онытып, чит-ят телне

Туган телдән өстен, “шаһ” итмик!